კურსის შესახებ
რას ისწავლით:
საკვანძო სიტყვები: ცოფი, ბრუცელოზი, ტუბერკულოზი, ჯილეხი
კურსის მოკლე აღწერა:
კურსი განკუთვნილია ვეტერინარი ექიმებისა და ვეტერინარი ტექნიკოსებისათვის.
აღნიშნული კურსი შედგება 4 მოდულისგან.
კურსი მოიცავს 4 ძირითად ინფექციურ დაავადებას (ცოფი, ბრუცელოზი, ტუბერკულოზი, ჯილეხი), რომელიც ენდემურია საქართველოსათვის.
კურსის მსმენელები გაეცნობიან 4 ძირითად ინფექციურ დაავადებას (ცოფი, ბრუცელოზი, ტუბერკულოზი, ჯილეხი), რომელიც ენდემურია საქართველოსთვის. ოთხივე დაავადება წარმოადგენს ზოონოზურ დაავადებას (საერთოა ცხოველისა და ადამიანისათვის) შესაბამისად, ეკონომიკურთან ერთად აქვს სოციალური მნიშვნელობაც. კურსის მიმდინარეობისას განხილული იქნება თითოეული დაავადების ისტორია, ეპიდემიოლოგია, პათოგენეზი, კლინიკური სურათი და მიმდინარეობა, პათომორფოლოგიური ცვლილებები, დიაგნოსტიკის მეთოდები და მიდგომები, დიფერენციალური დიაგნისტიკის თავისებურებები, მკურნალობის გზები, იმუნოპროფილაქტიკური საშუალებები და მეთოდები, დაავადების წინააღმდეგ ბრძოლის ღონისძიებები. კურსის მიზანს წარმოადგენს მსმენელმა გაიღრმავოს ცოდნა აღნიშნული ინფექციური დაავადებების შესახებ, მათ შორის განსაკუთრებით დღეისათვის არსებული ეპიდემიოლოგიური მონაცემების, პროფილაქტიკის პრინციპების, დიაგნოსტიკისა და კონტროლის ღონისძიებების შესახებ. კურსი წარმოდგენილია ვიდეო გაკვეთილებით, საკითხავი მასალით, დაავადებების შესაბამისი დღეისათვის მოქმედი ნორმატიული აქტებით, ცოდნის შეფასების ფორმებით, მეთოდებითა და კრიტერიუმებით. კურსის მიმდინარეობა ჯამში მოიცავს 34 საათს, რომელშიც შესულია როგორც ვიდოგაკვეთილების მოსასმენად საჭირო დრო, ასევე შეფასებისა და დამოუკიდებელი მუშაობისათვის საჭირო დრო. კურსის მიმდინარეობისას და დასრულებისას წინასწარ შემუშავებული კრიტერიუმების მიხედვით მოხდება მსმენელის მიღებული ცოდნის დონის შეფასება.
